شوبير يرد على اتهامات واقعة أحمد رفعت

رد الإعلامي الشهير أحمد شوبير على الإتهامات ضده بالتسبب في وفاة أحمد رفعت لاعب مودرن سبورت والذي فارق الحياة يوم السبت الماضي عن عمر 31 عاماً. وقال شوبير في برنامج "مع شوبير" عبر "أون سبورت إف إم":"اسمحولي، أول مرة هتكلم بشكل شخصي في البرنامج عندي، بعد إلحاح من المقربين والحبايب إني لازم أطلع أرد، مع إني مكنتش ناوي أعمل كده". وتابع:" بقالي 48 ساعة عمال أسمع وأرى حواديت وبوستات وقصص عن اتهامي في واقعة الراحل أحمد رفعت .. أنا مش في موضع اتهام عشان أطلع أدافع عن نفسي، بس الإجراءات القانونية لا بد أن تتخذ، فبصراحة كده أنا عمال أجمع وأفلتر كل اللي عمال يتقال ده واللي له حق ياخده والمخطئ يتحاسب". واختتم شوبير:" لازم كلنا نقف قدام القضاء والمخطئ يتحاسب، وعند الله تجتمع الخصوم.. آسف إن أخدت من وقت البرنامج ومن وقتكم الدقيقتين دول لحديث شخصي، بس استجابة لرغبة بعض المقربين اتكلمت ومفيش أي حاجة أدافع عنها وكل واحد هياخد حقه".